曹仁超2009-08-03

基於聯?制度機制，美元回落令資金流入香港，托港股及樓價，升市莫估頂，直到有天資金流入轉為流出為止，到時港股將狂瀉。今天股市升降只反映資金流向，並非反映經濟方向。

股市進入震倉，透過震倉糾正超買，唔出現大回落，讓 RSI 回落到較低水平。RSI 超買唔係睇淡理由，捕捉5-10％?調整波幅不是易事。小心無妨，睇淡不必

美元自01年7月開始回落，到去年4月見底反彈，今年3月回落，因美政府量化寬鬆，引發利差交易（carry trade）。沽美元、買澳元及紐元成為過去五個月內美元轉弱最大理由，情況同九十年代日圓相似（3月至今美元已回落10％）。美十年期債券今年起卻大回落，因09年美政府財赤。美債有賴中日政府吸，但09年起日本泥菩薩過江，中國出口外貿盈餘收窄
市場流行美衰退、應睇淡美元論。90年至今日本經濟衰退二十年，日圓如何？去年3月溫家寶發言後，人民幣兌美元加快升值，去年3月至10月A股表現又點？因經濟衰退而睇淡一國貨幣，媲美2001年1月時因減息而睇好股市謬論，係將經濟過分簡單化。一國?價強弱主要由該國貨幣政策決定，非經濟盛衰。如2001年7月至08年4月美元回落期間，美國經濟表現卻良好，理由係美國唔少企業純利一半左右來自海外，美元弱勢對企業純利有幫助。

唔信高通脹重臨，因08年太多財富消失，只靠今年上半年股市反彈（唔少只能補回2008年50％損失）未能引發財富效應！美國經濟已進入收縮期，美國人已不能再借貸度日。