龐氏騙局

部份內容參考１２月１５日陸羽仁＜金融HighTea＞

前納斯達克主席馬多夫涉設投資騙局被捕，涉額500億美元（約3900億港元），將最傳統「龐氏騙局＊」（PonziScheme）用於基金投資
現年70歲的馬多夫創辦馬多夫投資證券公司，公司已躋身全美最頂級1%公司，因此活躍於證券界．
搵水大計：成立對沖基金，向投資者訛稱每月11%回報，大批紐約和佛羅里達州有錢人落疊，08年起已11至25個顧客管理171億美元。「基金」其實已停止投資，只是不斷吸納新客放資金入去，用新客的錢付舊客的高回報。
但一場金融海嘯督爆把戲。市場風險增，投資者要求贖回70億美元投資，基金無錢，馬多夫兩名兒子勸父親自首．

教訓：
１）監管機構有「管細唔管大」的傾向，對大名氣的機機諸多留難，對方好易玩番轉頭，把監管機構告上法庭，只要似隻老虎，無人敢郁你，呢個故事教訓做賊唔好做細賊，要做大賊，做得夠大，大到無人承擔到你死的後果，話唔埋聯儲局要印銀紙去救你
２）投資絕不能假手於人

＊龐氏騙局：意大利裔投機商查理斯‧龐茲，1903年移民美國，1920年騙人向不存在企業投資，承諾投資者三個月內40%回報，頭7個月4萬人落疊，龐茲只把新投資者錢作盈利付最初投資者，騙局持續一年，金額1500萬美元（～今天1.5億美元）龐茲最後被捕入獄

20081204 浪頂？－密集區頂到實

夜媽媽睇ＲＥＵＴＥＲＳ　ＦＩＮＡＮＣＥ，見到標題「Rise in defensive stocks offsets economic gloom」，笑爆咀之餘亦感似曾相識，即刻開ＦＩＬＥ睇番十月尾大反彈那期，無視劇差消費數據而不問情由反覆反彈近十個交易日，現在重演，但一次比一次短癮。但不幸地，每次升勢似盡未盡之時，都是將下次再升頂到實一實既浪頂同密集區，而且繼續一浪低於一浪（十一月頭、九月尾、八月尾、七月尾）。


總括下十一月尾至今，升既藉口創意十足，ＹＥＮ拆倉潮緩和、到又救花旗又得阿爺打救又減息又谷內需又憧憬平準基金，玩到極都仲未過到萬五點既蟹貨密集區。上述唔夠既，美股連Rise in defensive stocks offsets economic gloom咁黔驢之技飲奶力都出埋，感覺都似係玩超執刀不停同個狂標血既病危者打強心針，又似過山車急墜前既緩升。就算我比你叻極衝得過密集區，十月十日15,943～14,796個超級下跌裂口，你補得番先算吧。


年頭到而家，反反覆覆，但心偏向淡之感從不變。當技術分析（一浪低一浪、下跌裂口補極補唔番、恆指蟹貨區密佈）加基本分析（金融大企去槓桿化、美帝累街坊廁按再至金融海嘯再至各行業如製造汽車消費再至全球出口都全無起色）、當每次升都要搵盡藉口、每次怒跌極其ＭＡＫＥ　ＳＥＮＳＥ，在未見經濟有何起色前，看淡仍是王道。今次既近月雙頂，兩倍界王拳ＰＵＴ儲氣是時機。