20071130 悟「非常之估你唔到」

恆指繼續升，無佢收。仍在決定PUT需否止蝕，做了一些觀察筆記：

．用１１月尾呢次回升同８１７比，兩者雷同是導致大跌的壞消息＝廁按，導致大升的好消息則是減息，不同則是８１７時第一次爆出直通車的大好消息，而今次無

．潛在計時炸彈如廁按既後遺症會陸續浮現，加埋阿爺隨時宏調，沒人可以不認同，問題是而家有熱錢夾硬令呢ｄ炸彈唔爆住，而家壞消息當好消息炒既奇怪情況下，要再大調整，那個消息必定需要壞得好交關，因為１１月尾美國接連公布既新屋數據、零售數據，差到爆燈，但壞之中已經唔係意想不到的壞。我自己感覺係，要導致股市向某一方向急劇的走，必定係要一個「非常之估你唔到」既好／壞消息。但現階段，「非常之估你唔到」既好／壞消息，好似廁按第一次爆呢種壞消息，或者８１７既首次公布直通車，而家未見到有

．反覆思量，諗緊香港股市十一月尾呢次回升，係唔係真係非理性。例如呢幾日回升，領軍既唔係慣常既中移動或者匯豐，而係傅統既港資地產股，呢批股份受惠美國／香港減息，近幾個月甚至未來幾個月樓盤銷情可以預期好好，我地唔能夠稱佢為非理性既升唔想咁樣輸法，所以除左參考坊間技術指標說２８８００同２９０００呢兩個阻力位，亦會睇大戶熱錢係唔係續炒香港地產股同整體成交如何，下周一再決定是否止蝕

20071130 R.KOEMAN＠香港討論區-只是反彈

嚴格來說恒指已穩企28500已兩天~一般來說~如能穩企3-4天~升勢已確立~
但問題係究竟今次仲係唔係好似上次8月既情況呢

先唔好談技術分析~從價值投資來說~大戶會唔會係呢d位持重倉呢?(恒指現在22倍pe~817跌回20000時15倍pe)會唔會谷番上3萬比老散走貨呢~ 再推番高佢要用幾多錢~成本呢
呢一次調整相信大部份老散都係冇走貨~相反仲不斷溝淡~

其實做淡的只係小部份人~(有的只係當作對沖~近呢兩個月的warrant成交call的比例比put大很多~)現在其實係好考淡友的心理質素~你看看現在根本冇人覺得會再跌~現在已經調整完~個個都入貨~慌死冇貨買~
傳統智慧話我知...越多人行的方向越大機會係錯的方向~今次炒番上來主要係炒減息~其實呢樣野已經係預期內~早幾日老美的實際經際數據弱過藥煲~但仍照升可也~市場已被嚴重扭曲~其實小弟仍然係睇今次係反彈~不過比我預期多~我預佢大約反彈跌幅(6000點)的40%~即係2500左右~現在已剛到達~星期一有機會再挾多一挾~29200-29300係之前的頸線位~(我並唔係推高止蝕位去呢度)

睇番幾個point係小弟認為個市唔係真升~
-阿爺市仍然唔掂~
-美國經濟only死頂~壞消息當好消息炒~(呢個係一個好重要的牛三signal)
-今次升(反彈)上來的成交未能配合~
-港匯未見流入不特止仲係陰住陰住咁流走~如你睇番817後d錢係係咁流入~港紙跟住個升勢轉強~今次係完全冇~既然個市推上32000要每日1500億以上成交先support到~咁今次升上去每日1000億左右~何解
-最重要係~九成人都覺得調整已完~現在買貨等下年32000或以上(有冇咁著數 )
-有人說12月要粉飾櫥窗~今年還有必要咁做嗎?(厠按已經臭晒啦)相反係歐美市場缺水得好緊要~你睇citigroup要比11厘息問中東佬借錢就知咩事 ~由亞洲市場抽錢番去救厠按比粉飾櫥窗係咪黎得更重要呢 -亞洲市場來說~香港要比korea~馬來西亞~singapore等地方要高很多~(人地15/6pe~korea更低)香港仲係咪資金戀棧的地方呢

20071130 jbird@2:0新聞組-老美掠水陰謀

再來一個假設
美欠債 > 年初狂吸外幣/油/金 > 年尾美經濟差 > 美佬推低美金 > 外幣升油升金升 美金弱變相欠債減低/外幣油金同時掠一筆

20071129 香港地產股領軍挾升

．美國數據差到飛起，無論零售、樓市及次按相關等都肉酸，跌眼鏡卻因炒一個減息舊聞怒升收場。炒減息美元卻升亦難以理解。港股自然跟，升1111點。解釋不到，唯有說是全球熱錢過多，或技術性反彈。

．咁樣輸法唔多甘心，考慮手上既ｐｕｔ需否止蝕．晚上好友提及人生中首次置業，是自住加投資，入市是因負利率加香港通脹卻要跟美帝減息，必定刺激樓市。祝他成功。

20071129 莊家股玩法

三種莊炒股目的贏錢,方法只兩種,1. 收息2. 跟莊

．莊有3種,長,中,短線
1. 長莊, 收集期一年或以上.看重公司的前景及增長,長莊是股市中最成功的莊,股票不起眼已收集,少成交或橫盤或打壓,別人絕望後才炒,炒時也無聲無息,即陰昇,別人發現時已相當昇幅,給人不敢追的假象,一心想等回調,但死都不回,令你 干著急.例:1043(莊家成本$0.7), 321(成本$0.9), 769(成本$0.7).長莊無頂睇,966(成本$1).長莊特性是莊家炒作期可以是幾年,可以昇幾十倍,但業績配合拉低pe,pe永遠不高.
2. 中線莊,收集期3~6個月,莊家看中業績及預期消息,中線莊特性是莊家和公司高屠配合及勾通,莊家和公司高屠說好數在莊家炒作困難時及時公佈利好消息給以配合,讓散戶高位跟入,故中線莊的實力較強,資金足,不可能時創作可能給人山窮水盡疑無路,柳暗花明又一村的驚喜.例: 202, 82, 885但跟中線莊要及時下車,因為隨時狂跌
3.短線莊, 收集7天~2個月,不看公司前景只看消息猛炒,三幾天炒完,話知你係生係死.這是炒股的大忌,大家要小心此類莊家. 例：611,1224等. "另外有喜愛撘棚 , 有散戶跟就即抽走所有買盤 , 臨收市慣用 2,000 股 mark 價者 , 都不是好莊 , 969 的莊是此類陰濕人的代表

莊家股遊戲有如「種金」
三部曲股票分兩類，一是機構性股票 (Institutional stocks)，基金參與，另一是非機構性股票．第二類要睇莊和幕後人士部署，你在明人在暗，走位靈活談何容易．例歐亞農業(0932)、人人媒體(0059)和中保國際(0966)難研究

莊家股三部曲：「收集期」、「做價期」及「散貨期」
．收集期：股價偏殘成交低。這階段莊家收貨，避免撩高股價，若有知悉行動人混水摸魚，他們會沽到跟風人驚才收貨若買莊家股，這時期買風險少，不過機會成本高因悶，或幕後傾唔掂．或發生突發事件，如「九一一」等，若證監干預調查都難發圍．莊家用來做價的資金，多是借貸，而這個「種金」遊戲是投入資金維持，一旦股價調頭，斬倉骨牌效應可以極快．收集行動有終止跡象要當機立斷，因流通量低難沽，定止蝕位
．做價期：莊家已儲貨，準備市場引人注意接貴貨。製造故事，如大刁醞釀，借助傳媒（某證券行、專欄其實是職業打手），幫莊散消息和派貨．另兼職內幕人士出現，他們自稱與幕後人士稔熟．像種金，人愈多，先行者如癡如醉。種金人減骨牌效應爭相離場

假跌破
１。先斬倉後造上
２。自行mark低後造上
３。跌破50天線橫行後造上
４。跌破所有支持位收市再造上
假跌破一睇成交，二睇成交同下跌的對應，三睇盤路，四如長期平台后突跌有可能．黃金/死亡交叉不大適合用來決定方向，用週線圖來決定方向，黃金交叉來入市會不會更好？這些大成交的股票在大升浪起步時，週線圖每每都會有所啟示，例如收市價同MA10,MA20都會順列. 日線好易中莊家圈套，所謂圖表陷阱就係經常在日線圖出現， 週線圖決定方向之後，一樣可以用日線什或30分鐘圖來跟勢走短線賺快錢。

用網新聞組Lisa S: 老千股,睇佢以前圖表是否時常炒高派貨後沉底 ?例：　＃７６

20071128 應跌不跌

．一開波跟美股升，但升得二百，休戰數日復出，即PUT，基於期指結算日牛熊大戰，所以早預料不會一插到底，+200->-150時即沽，心滿意足。

．全世界都跌，唯美帝同香港獨升，如果仲係炒緊花旗單野就太恐怖。應跌不跌，只恐怕有人以為調整已經完成落搭，遲些終極大跌才臨就死得人多。堅持不入優質股，最多睇錯賺少都不要做傻仔

．言猶在耳，美帝第五大銀行WELLS FARGO宣布廁按出事要大額撇帳，廁按無限玩，美帝要累街坊累到幾時．於是臨收市再開ｐｕｔ，極高風險

20071127 牛熊摔角#2

．繼續牛熊摔角，一開波熊掌一擊跌九百，之後花旗搵中東佬入股牛仔大反擊至最少只跌九十點，最終跌四百。

．趁急回時高沽蒙牛輪（２０４９），謀定而後動，現金水平進一步上升。收市後睇花旗搵中東佬入股既詳情，不得了，賤賣資產兼要比年息１１厘，直至可換股票據被兌換為止。市場今朝居然解讀為好消息。

20071126 牛熊大戰花生日

．大升無波幅，在交易市場食花生食足一日。

．交易場外則在新聞組向高手討教，可能要有更大心理準備食花生食足一星期，皆因今個星期是期指結算日前夕好友淡友大決戰，升升跌跌難估。

20071123 老美托市

．美日俱休市，港股失指標，假．股神出來亂吹，迷惑無知者接火棒，於是大市輕易升幾百點。

．升得很假，托高幾隻比重高指數股，但整體氣氛弱過弱煲，買入盤極少，亦解釋中外運航運（３６８）上市首日怒跌十幾%

．刻意忍手，玩ｐａｐｅｒ　ｔｒａｄｅ，結果估中早上升七百點是全日高位，如在該刻ｐｕｔ，收獲甚豐

20071122 不守紀律的惡果

．朝早玩假升，明顯，沒趁升幾百時開ｐｕｔ不夠勇，下午怒跌在意料中

．是日傷亡慘重，一夜思量（詳見下）終決定敗家仔全斬立決，換來全月ｗｈｉｔｅ　ｄｏ。特別是中國科技（９８５），派貨派得明顯仍咁遲先走，自作孽

．２１日晚上徹夜檢查近期狀況，發覺之前白紙黑字答應自己的全違反，例如波動市內只短炒，不持貨太久，不高追，有得食好食，嚴守止蝕：

　－假．大奇蹟日吹美帝提前減息，盲目高追平安輪（４８４２），錯了不緊要，翌天明知消息破滅還不以投機ｉｎ，投機ｏｕｔ方式ｔｒａｄｅ走佢，搞到今日沽勢持續先放
　－９８５有食唔食，賺幾千變蝕幾千，之後唔對路沒守紀律止蝕，心存僥倖博反彈，失理性，終致惡果．現金水平７０％以上，回復只短炒，只伺機ｐｕｔ，讓十二月賺回十一月的。

20071121 惡鬥中國科技

．又跌千幾，藉口係亂吹美帝提前減息結果係流料，加埋美帝話經濟放緩同日元平倉無限玩，於是跌得仲狼死過琴日

．中國科技（９８５）復牌，點知原來玩好消息出貨，朝早炒起一陣就急速向下，始料不及。新聞組版友說跟１１５９之前很相似，同是太多人收到風好難升。個價唔係捱唔起，但今朝唔捨得走，只可以怪責自己

．新鑫礦業（３８３３）趁如所料技術反彈沽出，令今日起碼不是負數收場．觀望氣氛極濃，成交少得可憐。可以要做定心理準備等十二月熱錢番黎先再玩。彈藥仲有，但不能再虛發

20071120 乘勢追貨

．今日又開眼界，上午因順應美市，恆指開波跌一千，午飯後忽然傳出美突減息，下午二時半表演兩分鐘內怒升七百點，最後更倒升三百收場。

．悶到慣，一時措手不及，但收市前已回心神，入平安ｃａｌｌ輪（４８４２）

．大反彈，之前插得急的資源股亦升得急，所以持貨兼業績靚靚的新鑫（３８３３）亦跟隨反彈，有得賺，明天ｓｅｔ止賺，隨機應變；蒙牛輪（２０４９）反反覆覆，但起碼識跟大市升．晚上看公告，中國科技（９８５）終於宣布收購礦山，正式轉型玩鉬，還一次過收購１３個礦山，明天若爆升，放唔放好呢

20071119 是日撈底：新鑫

．反反覆覆又升又跌，雖然說短線已知是看淡，但摸不清方向，不開ｃａｌｌ／ｐｕｔ

．蒙牛輪（２０４９）開市升至高位回落，有些後悔，之後若有得大執好執。遠洋地產（３３７７）一手ｉｐｏ觸及止賺位是日沽出，賺少左但起碼都四位數。惟事後看，其實兩星期前跌穿平均線已是賣出訊號，下次小心。

．另一度新股王新鑫礦業（３８３３）今日公布業績卻被連日質至ｒｓｉ得個位數，不信邪，小量入貨試反彈，不對路則止蝕。

20071116 斷北水／撈蒙牛

一朝早新聞話深圳破獲地下錢莊，跟住港股大市成交就得番一千億多Ｄ，哈，原來平時有五六百億係黑水嗎？

諗番，港股一向資金市就是梗局，但如近月就要適應多樣政策市既因素，似足Ａ股，一兩個直通車開唔開，幾時開，ＱＤＩＩ額度多少，打擊黑水等等，都捉以讓港股如今天又肚瀉千幾點。
現實情況根本唔係咁差，只是證明投資者對消息太敏感，加埋Ｄ水好多去左新股度，先被大戶為所欲為無所反抗。

所以，唔玩市，繼續望實同大市未必一定有關係既實力股。有睇中海油田（２８８３），但唔夠快手，見底即升標得好快，唔追住，繼續望實蒙牛（２３１９）Ｄ盤，昨日見沽盤瘋狂湧現，所以忍手，果然今日返黎繼續瀉，底位是＄２５左右，ＲＳＩ約莫已到十幾，技術超賣，基本不變，跟住於是就見到大摩買盤排陣，諗住睇定Ｄ先，跟住就已經緩緩而上，睇好隻ＣＡＬＬ輪２０４９追極都追唔到。到下午，睇定左位有幸入到，最後更一度倒升至＄２７．２，大戶入貨不可看小。

是日見到佢的排法，同之前佢地玩中國遠洋（１９１９）既收貨法好相似，同是買盤格格排幾百Ｋ，然後同時擺Ｄ賣盤係度頂住，務求Ｄ買盤入到先比佢升

下午三點幾時個賣盤，盛況：

買入 　　　　賣出
26.65 　　　26.7
89K (10.0) 　133K (8.0)
136K (9.0) 　413K (5.0)
104K (4.0) 　　5K (2.0)
696K (12.0) 　95K (4.0)
104K (2.0) 　　30K (2.0)
1.13M (37) 　676K (21)

賣盤詳情：
9028　9054　高盛　大摩　大摩　大摩　大摩　大摩　+1　
大摩　 大摩　美林遠東　美林遠東　大摩+2
大摩　大摩　+3
Citigroup　UBS　 9054　9068+4
法巴　UBS+5
麥格理　大福　+6恒生證券　 中銀國際+7

20071115 撈蒙牛準備悟大行報告之假

玩短線唔怕大升跌，最怕你無波幅，好似今日咁，朝早悶著唔動，到下午內地堵截地下北水來港炒股的傳聞下腳軟軟係咁意跌少少，都沒有追入，謀定後動。於是全日都是在研究個股和異動股。特別留意近日瘋狂插水的昔日愛股蒙牛（２３１９）。

睇番佢跌，主要都是近期食品內需股面對中國消費物價升而致的原材料價升問題，加上大行唱淡，蒙牛好難有運行。但睇番Ｄ大行報告，其實都幾賤，蒙牛明明唔係坐以待斃，人地已立心拓高毛利既果粒奶同鈣奶，同準備加價，Ｄ報告就彈到佢一文不值，壓低收貨格。所以坊間智慧說大行唱好，是見頂之兆，唱淡則是見底之兆，有其道理。

搵番佢地對蒙牛既評級：
09-13 15:28 證券報告 - 荷銀調高蒙牛目標價至35.12港元
09-13 15:23 證券報告 - 大和調高蒙牛目標價至36.5港元
09-13 14:12 證券報告 - 花旗調高蒙牛目標價至38港元
09-13 11:48 證券報告 - 大摩調高蒙牛目標價至36港元
09-13 11:44 證券報告 - 高盛調高蒙牛盈利預測及目標價
９月１３日收市＄３１．１

之後１０月１６日升抵最高位＄３５．８．你好彩既話就食到呢１０％水位囉，唔係既就做羊牯鳥到而家廿七廿八蚊，美林就唱淡迫埋最後一班散戶出貨，快ｄ啦，好心急呀，我要飲奶奶！！

20071114 網龍豐新聞組lisa-YEN拆倉循環

yen 十一月拆倉, 因為基金平倉,11 月是基金平倉月
十二月又會做返沽 yen 買其他 ~
記住三月是年結, yen 回朝月金會調整至十二月, 之後才會展升浪 ~

20071114 陸東:港股明年42000

http://money18.on.cc/finance/finnews/news_odn.html?type=detail&section=financenews&aid=20071114fnew01&date=20071114

早前「貼中」恆指會調整4,000點的瑞銀董事總經理陸東再次發表報告,將0八年恆指合理目標調高至32,000點,最樂觀情況的預測調高至42,000點。

近日美國次按危機再次拖累全球股市,但本港企業及家庭負債水平甚低,故影響可說極輕微,他沒有評論次按對短線股市影響,但按盈利及息率回報計算,維持0七年恆指合理水平23,000點。

對沖基金掟貨試底不過,由於該行將港交所(0388)、國壽(2628)、平保(2318)及交行(3328)0八年度的盈利預測調高,因此恆指明年扣除特殊收益前每股盈利的增幅,由原來預期的12.8%提高至16%,故於基本情況下,0八年恆指合理目標由原來28,000點調高至32,000點,最樂觀情況的預測由原來35,000點調高至42,000點

20071114 逢高減持食中海油田

廁按可能玩得悶，技術反彈來，道指一彈就三百，恆指不甘示弱，一開波升九百，由於短線看淡，入了恆指ｐｕｔ６１１３望一兩百點獲利盤，結果高位不下悶到震，食花生食足一日，下午三點半更衝破１０天線，升千三點，擺過夜無ｓｏ唯有蝕少少斬ｐｕｔ，並由於調整未確認完成，短線仍看淡，執行逢高減持，食急升十幾％的中海油田（２８８３），連續三天四位數落袋

20071114 中國火葬（000444）要上市了

由於近期股市大跌，股民自殺越來越多，造成火葬場事業紅紅火火。為此國資委決定讓全國火葬場捆綁上市，總資產萬億，屬於大盤藍籌股，具有超強的成長性。殯葬業屬於強制性服務行業，壟斷資源明顯，年利潤增長率預計為100%以上。墓地屬於房地產板塊，一平方的價格比市面最貴的深圳上海樓價還貴出幾倍，利潤 3000%以上，屬於持續性向好的穩定收益品種，而且具有稀缺資源和環保概念！

中葬集團欲整合旗下火葬墓業資源實施整體上市，目前已經在發改委審批中，申購價44.44元，成功申購者免費再送精美墓碑一塊。另據傳：最新私募內參，據悉鑒于最近股民自殺增速明顯加快，而且可預期的未來還將持續增長，整體上市後601444將用一部分募集資金開發火葬發電和火葬供暖以及可轉肥等，將成為能源、供水供熱、農業的新龍頭，後市想像空間廣闊

20071113 即日鮮之食CALL

廁按陰影壓得恆指透不過氣，難得美股終於反彈，故趁恆指開市微跌百零點買恆指ｃａｌｌ９３５１，不到一小時夠位走；走左唔夠一陣掉頭回下，去到低過之前買入價，由於是日看好，再買，結果陪坐過山車，玩跌穿五十天線，乘機買抵買入價的中海油田（２８８３）；下午受惠好友大反擊，收復失地兼賺突，美滿收場

20071113 反彈前預備／十月檢討

．綜論：大調整頸都長終肯來，藉口又是廁按橋唔怕舊，溫總順口一句直通車未開得煽風點火，過山車俯衝更急。多月緊守且戰且退策略奏效，買賣記錄示沒貪心求賺盡，紀律性一百分，於是跌市沒成蟹民，ＤＡＹ　ＬＯＷ買ＤＡＹ　ＨＩＧＨ賣每役速戰速決，十月總回報維持五位數，身不由己全職投資仍養得起自己有餘還給了家用，對得住人對得住自己。

．窩輪戰線：迎調整市，苦練多月的窩輪大法略有所成，十月終投戰圈。風高浪急合正窩輪的何車，ＤＡＹ　ＴＲＡＤＥ同時飾演好友淡友沒問題。何況戰且退都是為玩個調整市，於是近星期幾次看得準升二百跌一千的格局，吼準數據公布時刻，一招恆指ＰＵＴ不怕用老，出入多次回報理想。掌握走邊，下步是掌握沽ＰＵＴ的最佳時刻。十月唯一失利是賣地日看淡而中伏，因以為傳統賣地日看淡而結果破高價賣地，注定一世唔妥地產商是正經。

．預備ＣＡＬＬ＆正股：近年最ＢＵＹ的瑞銀陸東三萬一二左右時話恆指最少調四千，計計下而家二萬七，都七七八八，睇埋Ｄ實力股都跌到五勞七傷，極大化回報，要留意定靚股的ＣＡＬＬ，伺機買入。ＣＡＬＬ例：港交所（３８８）、平保（２３１８）、富力（２７７７）、中石油（８５７）、招行（３９６８）、中國遠洋（１９１９）。另正股中海油田（２８８３）已在射程範圍、昆明機床（３００）決定待送紅股掩眼法玩完後才入、寶姿（５８９）待調整得再深些就入，另個股有待研究

．持股狀況：調了幾千點仍企硬的愛股新宇亨得利（３３８９）唔怕持貨、既然有惠理基金入了貨的轉型資源股中國科技（９８５）停牌待公布大收購叫緊糊、遠洋地產（３３７７）ＩＰＯ設好止賺位繼續放風箏。組合進可攻退可守並配合ＤＡＹ　ＴＲＡＤＥ，十一月相信仍然應付自如。

．真．新股：大盜鬧劇（１６８８）完後，真．實力新股登場，惠理基金、中外運航運、中國重汽、中鐵，又一次可能的ＴＥＮＢＡＧＧＥＲ經典不容錯過．棵席：改善研究報告緩慢、盡快完成港股行業大目錄、基本功持續修煉