20071201 曹仁超-趨勢唔係走勢

真正有用係趨勢唔係走勢。例如：

一、遠見（Vision）。1967年美國人收入係港人五十倍，未來應睇好美國還是香港？1978年香港人收入係中國人五十倍，2007年港人收入仍係內地人五到十倍（視不同行業），點睇中港經濟？

二、才能（Talents）。以為係天賜，其實可自行發展。甲乙兩人，甲每天花一小時睇《信報》，乙每天花一小時睇其他報紙八卦新聞，十年後誰跑出？

三、創意（Creative）。甲事事關心，包括台灣富商與女明星關係、小甜甜爭產案、徐步高殺人。乙專注本業、學習本業技巧及理財之道，將過去失敗例子銘記於心，熟能生巧，投資發揮創意。十年二十年後誰跑出？

四、持久力。牛市短則三年、一般五年、長則七年；面對股票上升忙於止賺，不肯由頭賺到尾，忘記「止蝕唔止賺」格言。太早沽出錯過賺大錢機會

五、抉擇。面對虧損能否果斷堅決執行止蝕？面對環境改變，有冇糾正錯誤決定？以上五點決定你係邊一類人（一贏、二平、七輸錢）