20071201 曹仁超-贏大大，輸小小

成功投資策略係冒最低風險賺最大利潤！冇人可以每次選股皆正確，正確態度係發現選股錯誤便止蝕，唔做人世；如選股正確，「one life one love」（愛你一世）？投資目的唔係賺10％到20％利潤，而係double或triple資金。獅子稱霸係一擊致命，反而牛羊食草細細嚼慢慢嚥。點解牛往往被獅子吃掉？理由係：一、牛冇勇氣，一見到獅子只逃唔對抗。二、只食草，而唔利用自己鋒利角攻擊。90％投資者皆擁有牛羊性格，佢地馴良怕事，只管食草；只有10％投資者才有獅子?性格，只要加上適當訓練，便可以成為好揀股者（stock-picker）。

成功策略：

一、無論市好市淡都唔離市。形勢有利投資所佔比重大D；形勢不利投資所佔比重細D（Stay in the market）

二、入市前訂投資策略，天天望實，出錯即糾正

三、控制貪念及恐懼，平常心對待，「得莫喜失莫憂」。止蝕唔止賺，投資成功須守紀律。大趨勢中一定要勝出。唔好信密食當三番，贏大大，輸小小

四、你有冇做富翁勇氣？好多人想發達冇勇氣。有冇諗過每年將資本升值100％？有冇諗過賺一百萬、一千萬、一億甚至十億？中國人強調知足常樂，野心唔夠，唔會做野狼獅子老虎，失冒險精神五、投資策略令你致富，唔係股市貼士。致富唔係克勤克儉，係成功交易（deals）。學習做出色Deal Maker，避97年7月香港樓市回落風險，利用01年中國「十．五」計劃下引發工業原材料漲價潮。「十一．五」規劃令去年內地金融股、零售股暴升．去年越南股市及樓價狂升，美國財長保爾森去年7月10日辭高盛主席前，投資中國為高盛證券賺取驚人利潤，自己財富累積至七億美元