20071201 曹仁超-美樓市垃圾掃地氈底 ０８年憂慮仍多

有智慧不如趁勢，大趨勢係美國樓價08年仍回落，次按危機高潮08年上半年，對沖基金及主權基金07年入市，吸納美國大銀行及金融機構股權，結果木宰羊。大銀行將SIV納資產負債表，即日後SIV得失由銀行股東承擔。匯控好D，因為本身資本充足，花旗慘些因資金成本11厘（另阿布扎比有權將佢轉普通股）。九十年代美國佬笑日本銀行將垃圾掃入地氈底唔處理，今天美資金融機構何嘗唔係？垃圾掃入地氈底只係睇唔見，但唔代表唔存在。

人們仍期待另一個泡沫去抵銷美樓市泡沫爆破，聯儲局及各國央行都在努力挽救全球信貸市場，暫時止得咳，長期就唔知道有乜結果。熊市唔係一天內出現而係逐漸浮現，資金由弱項流向強項，最後連最強項目亦回落，人們才驚叫熊來了。第一個熊爪睇落今年8月出現，然後11月……正逐步擴散中。