陸羽仁：首都速推啟示

一直睇淡的李嘉誠仍然維持看淡本色，最近他雖然無出來講話，但他在去年底今年初港股27000點至28000點時仍不斷示警，結果睇中1月的大跌浪，李嘉誠看淡主要是怕美國次按危機深重。你睇長實（0001）賣將軍澳地鐵上蓋樓盤首都就可知，開價不足5000元一呎，他們自己也形容為「派糖價」，但他們不是以這個「派糖價」賣少少樓，而是去到貨就賣成二千個單位，以「派糖價」不斷去貨，雖然有部份單位賣到七千幾元一呎，但平均價最後去到五千六百元左右，只係加一成多；若他們全面看好樓市，似乎也不用同價加推這麼多單位，可以加價加推，但加價加推會令售樓速度放慢，而長實的售樓策略似乎是盡量去貨，多少也反映了他們認為後市有風險，要售亦沒有去盡。

20080206 港樓市：短期炒泡 中長看淡

．而家香港地產炒得起，講來講去都係一手供應少、負利率、減息。忽然諗下，如果美國到咁上下，唔再減息（息口去到咁低，再可減既空間多極有限吧，香港最近一次已經開始唔跟足）轉為要去對付通脹而加息，咁香港銀行跟加（又或美國再減香港開始唔減）、供樓者負擔加重，呢一輪既炒風隨時結束都未定

．所以，為免買貴樓，除非未來半年至一年，有足夠理據改變以上想法，否則黎緊結婚都希望是先租，謀定後動。因為買貴樓的風險太大（風險包括買貴了第時有朝一日放樓，因已在高位買，未必有得賺；另如轉為加息年代，每次加息即加重每期供樓負擔，負擔不起），租樓的話，租一年先，一年內都起碼唔會加租