20080419 騎牆trader主義

恆指繼續無方向亂咁黎，置頂的利好利淡沒變，但上上落落全憑大戶意旨。經歷四月初慘敗學乖了，只炒超短線，也不會賭氣沒把握下過夜，是月虧損漸漸收窄。

陸羽仁講的「非常平」未出現，投資的我未能出動，仍是投機的我主導。另參考曹仁超意見，市況反覆下，不需堅持站一邊做好友或淡友，而是做炒友(trader)。

很簡單，一方面擺明要挾上去，低位二萬點挾到而家二萬四千幾，唔見得宏觀經濟好左幾多，全部都是「某某大企業績好於預期」(e.g.:預:－１００ｍ、實際－９９ｍ)就爆升的tricky+trigger。另方面可以挾上，也可以質低，畢竟美帝議息前慣性愁雲慘霧七嚇白藍黑、恆指低位回升四千點大條道理隨時派貨。一係就升一係就跌，很廢話是不？不要怪我，事實如此，無人睇到真方向，只能順勢炒，在大戶主導的高低波幅風浪撈些油水，不陰溝翻船就成。

20080401 陸羽仁：非常平

按：其實好簡單，
「投資」：學巴菲特出個超辣低價先買（下面陸羽仁稱之「非常平），已淡極淡無可淡，完勝機會大，除非有超級利淡消息出現（投資的我主導）
「中中地」，「相當貴」：快刀斬亂麻主義（投機的我主導），唔好留戀，因比較貴，只是在玩波幅，投機心態大於一切。此階段不要說投資，因價已失常地高。
－－－－－－－－－－－－－－－－－－－－－－－－

即使抱投資心態，如果買入價唔係「非常平」，就唔好唔止蝕

分三種情況，第一「相當貴」，現國壽的一年低位２３．３元，高位５３．８元，就用呢條數計，回落１０％到４８元的時候，叫「相當貴」，貴買好股等如炒

第二種「中中地」，唔高唔低，國壽跌到４０元時從高位跌了３５％，比同年低位尚高７２％，唔算跌得多

buy and hold可以係災難，只要買入時機不對價錢太貴就中招

我命休矣

市底強，刻意同大戶作對無好結果。經濟狀況不濟，廁按+A股股災+內地宏調，明明利淡，但大戶要個市升，就由佢講。今日由升轉跌時入了ＨＳＩ　ＰＵＴ，明顯中伏，寫這篇時美股爆升、商品怒跌，美元兌ＹＥＮ升，明顯Ｄ錢去返哂股市。中哂伏，瀨哂野，聽朝預左被怒挾，須止蝕。熊二亂升狀況，不可再中招。炒股跟經濟狀況可以獨立處理，精神分裂大哂。

2008-04-11 曹仁超：越南隨時變世界工廠

　　越南人口八千四百萬，較成個廣東省仲多，70％都係戰後嬰兒（越戰响1975年結束）。全國人口平均年齡二十四點五歲，公民識字率94％，越南嗰邊英文程度好高。家吓一個越南工人月薪响50至80美元，只及珠三角一帶嘅人工一半。自從越南加入WTO後，一排排灰白色廠房喺城市郊區建起嚟，成為中國珠三角工業最佳嘅轉移點。台灣商人更早喺1998年已响越南開始投資，例如造鞋、家具及成衣，依家估計已達四千家左右；今天台商對越南嘅興趣大過中國大陸。除咗工資夠平外，仲有豐富嘅天然資源及國內市場。今天胡志明市（往日西貢）到處都係建築工地，情況好似九十年代嘅珠三角。越南起步大約遲中國十多年，1986 年先實行革新開放政策（中國喺1978年宣布改革開放），中國1992年已宣布建立有社會主義特色嘅市場經濟體制，越南喺2001年先提出以社會主義為方向嘅市場經濟。2003年高盛證券首次發布以越南為核心嘅研究報告，佢地估計不出十年，越南將超越印尼同菲律賓，成為東盟十國中經濟實力最強勁嘅經濟體。

　　2007年越南GDP上升8.5％响全球中僅次於中國。自1986年宣布革新開放後，越南國內人口每日生活費唔足1美元嘅人口比例由51％降至2007 年8％，速度較中國快。過去二年越南股市總值由10億美元升至146億美元，但去年8月起又大幅回落，外國投資者以中國人為主。越南房價已直逼東京同紐約，例如胡志明市商業中心濱城市場商舖，每平方米賣17.3萬美元；胡志明市城郊房價，每平方米賣2000美元。越南基建至今仲好落後，電力缺口達十億度一年，道路仍以泥路為主，高速公路只得一條。

　　依家投資越南應以建廠為主，不宜涉足股票及房地產；相信越南可成為另一個世界工廠。

國策透視：四個月輸五成 觸發止蝕

國策透視：四個月輸五成　觸發止蝕　首隻QDII清盤自06年11月內地首隻QDII（合格境內機構投資者）面世，銀行、基金及證券公司紛推QDII產品，民生銀行去年10月中以名「港基直通車」推其港股QDII。然隨溫總煞車及美次按令全球股市挫，一眾QDII資產淨值屢創新低，民生這隻QDII更在上周二觸發了止蝕位，成首隻被迫清盤

陸羽仁：跟趨勢唔好鬥氣

上週五期指結算日美股跌港股唔跌，出現這些無理由的事情，本身已是重大提示，結算前一日已試過美國跌港股升，當時已是第一個提示－＞跟趨勢，不要問原因．大方向向上不要鬥氣繼續買跌

當好消息出現時，正常是上升，若果唔升，或升唔夠，即係有人沽貨，和牌面走勢做相反事情的通常係大戶，大戶沽貨，散戶接貨，就預示大市向下，反之亦然。

大市在上周期指結算前一兩天已美股跌港股唔跌，到期指結算日更明顯，已是超過一次出現相反訊息，就預示大市向上。上周五要問的問題是，究意大戶只要是推高期指結算，還是結算後還要走一段，當天行情已有答案，若只是頂結算，頂到３點已可以放軟少少手腳，那麼下月期指就會低過即月結算的期指，但當天下午愈升愈有，就預示反彈浪未完，結果收市下月期指比即月結算期指高３００點，顯示睇好的人好多，不單睇到結算，否則不應花咁重彈藥買重下月期指。

　　用同樣的相反理論，美股昨日升３９１點，港股今日唔升１０００點都要升８００點，有這些升幅，才叫正常，假如只升４００點，你就要小心，大戶可能好短癮，已在派貨，如果升得正常，後面還有空間再上。
　　唔好信自己，信市場，市場會告訴你，呢一浪反彈有無力，會幾快完。正常走勢是月頭彈，月中回，月尾再上，但月頭去到邊，月中回得幾深，將有助大家判斷大市見底未

沉著應戰

經過昨日的失心瘋，今日沉著應戰。仍是恆指滑浪，不慍不火，只吸不搶，回報四位數：

全日共四次ＴＲＡＤＥ：
１０３０過後高位ＰＵＴ，但放早了賺少左
１１３０過後差點轉燈ＣＡＬＬ，差唔多１２００放，食得幾盡
１５００經一輪怒升，見高位即ＰＵＴ，但又係放早左（反彈浪在前，ＰＵＴ好有戒心，通常一有賺就走）
１５３０倒跌開ＣＡＬＬ，因今日勢不至於要跌收場，賺多少少完成今日

沉著應戰未必會有大賺，但起碼放心，冷靜應戰。

講返個市，其實利淡之風仍然比較強，但不得不認是恆指經歷連番大跌，已至價殘的地步，技術反彈算合理（討論區有高手稱急升急回是熊二特徵）。另加期指結算倍添亂。不過結算後見真身，中線都要向下。不過呢幾日就順勢滑浪好了。

另中海油田（２８８３）及洛陽鉬業（３９９３）業績期近，玩得過

完敗之反省

復活節假返黎，港股要跟返ＤＪ既升勢，預左，但升勢出乎意料，揀錯方向被挾，好痛。定心神，檢討，朝早買過上，在＋８００時放左，之後轉做淡友，見到＋９００唔止，都唔係問題，但問題是下午返來都唔止（明明ＰＡＴ　ＳＩＲ及其他新聞組版友已提出港股不似之前高開即軟格），之後爛位止，仲要明明個勢好好，忽然發癲唔忿氣在＋１１００再做淡，結果再被挾。痴左線，應定心神。

牛皮開始？

注資救市方案－＞嗎啡
３月１２日周三ＨＳＩ升７００後急回出貨至只升４００
３月１３日周四ＵＳＤ：ＹＥＮ十多年來首跌穿１００，港股跌千一點，有外國熱錢「提款」意思明顯連日怒跌，部份基金缺水，班水救自己。問題是港股一向資金市，撤資，升唔起，跌幅已多，跌唔落，是牛皮市的開始？如是，餘下一個月全職投資，都是短炒／即市為主。
另，手上輪９９９０一筆過怒蝕，其他即市式表現仍穩定。

淡中短暫好

．中線淡向當中，短線技術反彈式看好，連續兩天先跌後升單日轉向。即市賺一轉恆指ＣＡＬＬ４７４０及中移末日ＣＡＬＬ９９９０，臨收市形勢確定入ＣＡＬＬ４７４０及價殘已久的港交所的ＣＡＬＬ３５０９．嚴守紀律走短，因對沖基金在港股市場提款行動＋ACCUMULATOR 問題未清，中線上述利淡因素亦隨時肆虐

短暫好友

．三月第一交易周連日怒跌，穿二萬三，雖未近上次底位二萬一千幾，但急跌一輪短線博升抵過博跌，另白藍黑要派膠兼減息，隨時提前減息。三月十日一下手腳慢，錯過三點幾的大升浪。但港股氣勢短線轉強接近確定

．留意恆指ｃａｌｌ４７４０、中移末日輪９９９０、５６９中國自動化（配股後離配股價不遠，貨在強手）．好友走短，確實操作視乎本周美國數據

陸羽仁：首都速推啟示

一直睇淡的李嘉誠仍然維持看淡本色，最近他雖然無出來講話，但他在去年底今年初港股27000點至28000點時仍不斷示警，結果睇中1月的大跌浪，李嘉誠看淡主要是怕美國次按危機深重。你睇長實（0001）賣將軍澳地鐵上蓋樓盤首都就可知，開價不足5000元一呎，他們自己也形容為「派糖價」，但他們不是以這個「派糖價」賣少少樓，而是去到貨就賣成二千個單位，以「派糖價」不斷去貨，雖然有部份單位賣到七千幾元一呎，但平均價最後去到五千六百元左右，只係加一成多；若他們全面看好樓市，似乎也不用同價加推這麼多單位，可以加價加推，但加價加推會令售樓速度放慢，而長實的售樓策略似乎是盡量去貨，多少也反映了他們認為後市有風險，要售亦沒有去盡。

20080229 繼續偏淡上落市

．大市回顧及展望：
二月玩上落市玩足一個月，屬於低位徘徊格局。置頂所示的好淡依然角力，但暫時看是淡的主導，好的負隅頑抗。近星期回升暫時看只屬跌得價殘的技術反彈，尤以匯控炒業績光怪陸離的炒升。但廁按餘波未清，下星期匯控恐怖業績＋預先炒高散貨格，內地兩會不明朗因素，加上技術上一直未補回恆指二萬五千幾點左右的超巨大裂口，除非直通車開行，否則沒有全面看好的理由。

．持股：
月頭擬好主要玩ｄａｙ－ｔｒａｄｅ，超短線沒有好淡分身，只有賺蝕之分。整月在恆指ｃａｌｌ４７４０、恆指ｐｕｔ９８７０、４５０６之間周旋，每日食幾格，因為有路捉成績可觀。反而正股短線脫離基本因素，近日心理因素作祟，難以妄動。手多入的中航信（６９６）亦因此中伏坐艇。

．工程：
投資研究ｔｅｍｐｌａｔｅ仍在趕製，全列表是長期抗戰。

200802 本周主要經濟事項

星期一（ 25/2）
- 美國：全國房地產經紀協會公布, 1月未完成交易二手房屋銷售數字
- 美國：芝加哥聯邦儲備銀行公布, 1月全國活動指數

星期二（ 26/2）
- 香港：渣打集團末期業績
- 美國：勞工部公布, 1月生產物價指數
- 美國：會議局公布, 2月消費者信心指數
- 美國：里士滿聯邦儲備銀行公布, 2月製造業及服務業指數

星期三（ 27/2）
- 香港：財政預算案
- 香港：07全年GDP
- 美國：商務部公布, 1月耐用品訂單和 1月新屋銷售, 亦會公布1月建屋許可證修訂數字
- 美國：能源資訊署公布, 上星期能源庫存量
- 美國：聯儲局主席伯南克在參議院銀行委員會作證

星期四（ 28/2）
- 美國：勞工部公布, 上星期新申領失業救濟金人數
- 美國：商務部公布, 去年第4季國內生產總值修訂值
- 美國：肯薩斯城聯邦儲備銀行發表, 2月製造業調查報告
- 美國：聯儲局主席伯南克在參議院銀行委員會作證

星期五（ 29/2）
- 美國：商務部公布, 1月個人收支
- 美國：密歇根大學發表, 2月消費信心指數終值
- 美國：芝加哥以及紐約採購經理協會分別公布, 2月採購經理指數

星期一（3/3)
- 香港：匯控(5)公布業績（末）
- 香港：恆生(11)公布業績

星期三（5/3）
- 香港：港交所(388)公布業績（末）

星期四（6/3）
- 香港：新地（16）公布業績（中）

20080217 八號風球式滑浪

．大市：
過完年個市一樣咁波動，但為生活費為向自己交代，錢不能不賺，於是以短線滑浪為主，就算一兩格都要走，一日內ｐｕｔ完再ｃａｌｌ不稀奇。

中短線仍是玩番廁按擴散至消費層面及大行業績敗退的壞消息，但同時北水隨時來及壞經濟＝減多ｄ息的憧憬又會推返高個市，難玩到極。結果滑浪都有失手，短線賺左幾轉後，其中一隻ｐｕｔ被套牢。從技術層面看，恆指仍處下降軌，近日反彈理據欠奉兼成交少（多日不超一千億），除非恆指升破並站穩２５０００樓上，才能確認中短線轉勢。但即使看淡也要小心，大戶有可能老托上高水平才開始新一輪造淡行動。

20080207 過肥年現金是皇帝

．大市：估唔到個反彈浪咁快玩完。結果都係企唔穩二萬五，仲因為跟美帝而暴跌，所有技術位穿哂，連星期一咁靚既上升大裂口都補番哂。如果呢幾日美帝走勢仍然差，下星期一極有即市睇位開ｐｕｔ

．散貨：過時過節加市況麻麻，星期二高位全沽昆明機床（３００）及寶姿（５８９），為二月開齋，星期三昆機即跌回買入時既價，但寶姿玩逆市升，星期一可捕開市暴跌炒即市。全沽兩隻，只有少量蟹貨及達８０％的現金比率。現金又再是皇帝，主動權在手，星期一慢慢玩。

20080206 港樓市：短期炒泡 中長看淡

．而家香港地產炒得起，講來講去都係一手供應少、負利率、減息。忽然諗下，如果美國到咁上下，唔再減息（息口去到咁低，再可減既空間多極有限吧，香港最近一次已經開始唔跟足）轉為要去對付通脹而加息，咁香港銀行跟加（又或美國再減香港開始唔減）、供樓者負擔加重，呢一輪既炒風隨時結束都未定

．所以，為免買貴樓，除非未來半年至一年，有足夠理據改變以上想法，否則黎緊結婚都希望是先租，謀定後動。因為買貴樓的風險太大（風險包括買貴了第時有朝一日放樓，因已在高位買，未必有得賺；另如轉為加息年代，每次加息即加重每期供樓負擔，負擔不起），租樓的話，租一年先，一年內都起碼唔會加租

20080203 入貨周

．大市：
反覆待變，美帝呢輪由樓市引發既利淡玩得七七八八（信用卡問題同匯豐核突業績未咁快出爐），原本玩番輪一浪高於一浪既反彈應該好合理，偏偏今個星期內地整場十年罕見既大雪，即刻多左個內地中短期建設受阻既利淡藉口，致今個星期反反覆覆。但改劇本改一時唔改得一世，反彈浪阻唔到的，但先決條件是必須上破並企穩上次浪頂２５１００，先可以造成一浪高於一浪的反彈走勢，否則走勢仍疲。

．持貨檢討：
大市反覆，已在超賣區買的洛鉬（３９９３）及中移ｃａｌｌ（９９９０）低處未算低，正在艇，但仍在風險安全範圍，繼續持貨；中油海田（２８８３）受惠盈喜，爆完又爆，但衰貪心，快左走賺少左。

．買貨：
周街特價貨明知隨時是陷阱，但心動難擋兼計過怒跌風險有限，值得掃，今周買入苦候多時的昆明機床（３００）（發盈喜後暴跌成謎，但造就鄙人入貨良機），及另一愛股寶姿時裝（５８９）。後者尤其好玩，每日波幅大得驚人，留意幾天，順利找到當日底部入，收市已帳面有賺。

至於之前打算買息口敏感股，計劃因本地銀行減息幅度跟不足美帝而暫時停止，再觀望。但港鐵（６６）及美聯（１２００）仍須積極留意走勢。

2008-02-04 變種ELN左右港股

港股由去年10月近32000輾轉回落至現時24123點，除散戶中招坐艇，據投資銀行界指出，原來一眾富豪亦遭逢災難性虧損，元凶為過去兩年十分受私人銀行客戶歡迎的Accumulator（累股交易）。Accumulator在跌市中淪為慢性毒藥，富豪身家大縮水之餘，更陰港股，坊間謔稱Accumulator為「l Kill You Later」。

Accumulator拖累富豪雖然近日新開的Accumulator合約大幅縮少至去年高期的十分之一，平均約2000萬至3000萬港元，但據業界估計，真正的殺機是市場仍有為數達6000億元的Accumulator合約尚未平倉，如市況持續不濟，將成為港股後市的計時炸彈，屆時恐怕全城「被killed」。

所謂Accumulator，全名為Knock Out Discount Accumulator，是ELN（股票掛票據）的變種衍生產品，一般入場費（合約費）100萬美元，故買方實非富則貴，是富豪一族的遊戲；賣方則是投資銀行金融衍生工具部門開出。投資銀行推出Accumulator，實情是為其發行產品如窩輪進行對。例如投資銀行為其發行窩輪在市場吸納某隻正股，萬一正股股價急挫，便可通過Accumulator按一個預先協定價格，將這批正股派給富豪。不過，上月股災令部份富豪「收貨收到驚」，被迫平倉止蝕。

20080125 劇情豐富的一周

．回顧：
今周市況劇情豐富，遺憾未能全程目睹經過，但精華不得不記：

周一：美股假期，港股自由行，廁按餘威未散再跌千幾
周二：全球瘋跌，港股跌二千幾災情空前，陸羽仁估是大戶沽爆全球股市迫美帝小丑總統同白藍黑做野救市，到而家禮拜尾，又話係法興醜聞後全沽之前害群之馬亂入的好倉。咩都好啦，而家禮拜尾回看，短期底位已見。
周三：港股升二千三，補哂裂口之餘仲升突，現解話就知是有春江鴨知美帝提早大力減息
周四：早上內地官一句評論，變成口痕友亂吹直通車，早上爆升，下午傳出法興超級醜聞，加上意料中直通車未開得的澄清，升八百幾變倒跌五百幾，一個字精采
周五，受惠美帝忽然加快腳步通過救市方案：派錢、及憧憬其他措施陸續來，港股爆上千六點，重要指標是升返穿兼收在十天平均線上，短線企穩。

一星期大龍鳳後，港股點數計原本差唔多無郁，唔同哂既，係氣氛短線向好，又可以開一陣趴地，做番陣好友
另，諗番上星期四就全沽ｐｕｔ過肥年，卻賺唔盡本周初兩日跌三千五個浪，而家睇番，個ｄ跌唔係可以預估，上周四放，係理性，假如放到本周初，係賭博、不智，所以處理正確，無須悔過

．展望：
理性面是宏觀經濟即使美帝只是暫時止住咳好快又病發、及阿爺ｃｐｉ指標唔靚隨時又要落重藥，有隱憂，但股市面是大市超賣、美帝經濟略為修補憧憬避免陷衰退，港股受惠下足夠有幾日玩下。技術指標升穿１０天線２４５４０，阻力變支持位，下一關可睇住另兩條平均線１５０天線（２５６８５）、２０天線（２５９２８）兩大阻力，勢如破竹既就繼續玩兼補多少少貨囉，破唔到阻力位回軟既，就獲利又離場囉，加埋下周期指結算牛熊又黎摔角，美帝減唔減息都大把藉口玩，又係個句：見機而行啦。

．報倉：
正股入手：
洛陽鉬業（３９９３）：金價又黎爆，其他金屬類都受惠，加埋全世界超賣，揀反彈爆炸力最強者買
中海油田（２８８３）：金價爆油價都陪，原本想買安東油田（３３３７），但全世界升佢死火撻唔著，於是重拾舊歡揀仍然超值、爆發力亦強的中海油田
ｃａｌｌ輪入手：
中移ｃａｌｌ（９９９０）：大市升，加埋中移超賣，入隻ｃａｌｌ輪搭順風車
而家係差隻息口敏感股，同埋隻硬係同我鬥氣既昆機（３００），呢一輪入貨行動就差唔多完成