20081011 收遮七傷拳

大龍鳳，無完咁，錯在唔夠狠下心腸出界王拳ｐｕｔ個痛快。但，非戰之罪，萬八都已經覺得是新低，到那位置ｐｕｔ似唔高唔低焦味好重，點會押注，到今時今日得番萬四才不勝唏噓有何用，畢竟都是人心虛怯，掉得就掉之果。唯有自我安慰，錢搵唔哂既，無穿無爛已經好好，向前看啦。


經營休閒服的佑威（６２７）不敵經濟形勢倒下，極富警世味道。如此等小型公司，不報道也不會留意，ｍａｒｋｅｔ　ｃａｐ五千萬港紙唔到，居然十幾億銀行負債。出事，就因商業銀行金融海嘯下都要求自保，人收遮我唔收遮咪好蝕底，結果兩三下工夫，如此一間公司仔就被整死左。


很簡單，故事教訓，市好時，盲既都可以贏錢，皆因高增長、高槓桿大條道理，唔去買高增長股，反而在左計右算，擔心高負債風險有幾高的話，無膽色／太保守的帽子走唔甩。到今時今日，保守主義才該抬頭，現金流足、低負債率、阿爺內需類別，是目標。

佑威只是冰水一角，接下來，好些幾年前擴張過度的，不論大中小型公司，人人自危，銀行收遮七傷拳，唔講得笑。

UPDATE:
2008OCT: 合俊集團(2700)、老牌電器零售商泰林申請清盤