張士佳：繼續看淡

轉載自20080820@ａｍ７３０＜張士佳專欄＞：

熊市中主調是向淡，無理由捨易取難。昨日大市已創下牛市完結後的低點，有人謂指數已跌至合理水平，就算再跌亦是有限數，筆者也並不否認現時指數水平已趨合理(不中亦不遠矣)，但牛市與熊市不同，牛市時合理價為之抵買，因股價可以炒至極不合理的高處，但熊市剛好相反，合理價仍然是高位，最終股價會被沽至不合理地低。何解？因為炒股票強調「價勢」，一係價錢抵買，一係走勢凌厲，有價有勢自然最好，無價便要勢，反之亦然。

牛市之中，抵買自然談不上，但勢好便可「炒」，相反在熊市，走勢欠奉，合理價只是中間價，但大戶無寶不落，只會在不合理地低時，才是買入長「渣」，所以投資者往往在牛市中「唔信你再升」，或在熊市中「唔信你仲跌」，但市場卻往往要「升到你唔信」，仲要「跌到你驚」。
有投資者不相信大市仍要跌，期望奧運能帶出利好效應，不過士佳也在電視上講過，奧運效應，其實只是空談，就算反彈也只算是奧運後效應，且純因價位過低所致。現階段士佳仍看大市未見底，至少仍有終極一跌，恐慌之後才會回升。昨日內地A股是升，外圍亦未下挫，港股上午好地地，下午卻急跌，士佳覺得，可能是內地投資者見港股比內地跌得少，所以用港股套利，也可能是有人投機昨晚美股下跌。

無論如何，兩者皆非好事，所以筆者繼續唔睇好，就算市況反彈，亦難逃下跌一途