200502 決定窮人或富人十大標準

　　一、自我認知。窮人好少諗如何去賺錢，好聽D「安貧樂道」，唔好聽「不思進取」。富人天生強烈賺錢欲，盡辦法致富

　　二、休閒。窮人認為「食少多覺?」，寧願花時間睇《大長今》，加入《大長今》熱去吃韓菜。富人冇興趣睇肥皂劇，只會動腦筋《大長今》熱賺一筆

　　三、交際。窮人喜歡同窮人做朋友，心理上排斥有錢友，唔係有錢朋友睇唔起佢，而係自卑心作怪，結果只研究邊度有廉價套餐、邊間百貨公司大減價……。反之，富人交際研究股市、匯市、樓市、邊處有錢搵

　　四、學習。窮人學手藝一技旁身天下通行；富人學投資錢搵錢

　　五、時間。窮人時間唔值錢，跑遍港九新界去買廉價貨慳番幾十蚊，但浪費時間。富人閑在身體，例如打高爾夫球傾生意，腦袋冇一刻停過

　　六、金錢態度。窮人經濟觀係節省，勤與儉，甚至投資亦離唔開「雞生蛋」理論。例如我老曹02年叫人買金，唔少人回答冇息收，佢地估唔到金價三年升值50％（由二百八十美元升至四百二十美元），斤斤計較雞會否生蛋。幾多股份雖然冇息派，但一年股價上升100％，窮人一聽到冇息派已冇晒興趣。

　　七、激情與感情。窮人只有感情，聽完新馬師曾唱《萬惡淫為首》流淚捐錢，感情太豐富，好易受感動。富人不易受感動，例如89年六四事件滿街鮮血係入市時機

　　八、自信與自卑。窮人自卑，有D錢便穿名牌戴名錶名車增加自信，介意人地點睇自己。富人自信而不自卑。李實發係典型例子，藍色西裝十年如一日，戴精工表，飲自己公司屈臣氏售賣廉價紅酒……。郭得勝坐日本車，因為慳油……。呢份自信令佢地光景不佳時唔悲觀，繁榮謹慎樂觀；反之，窮人繁榮期亂花錢，衰退期呼天搶地

　　九、習慣。富人見親戚太窮，送隻牛畀佢。窮人滿心歡喜，但諗到牛要食草，結果將牛賣掉，買D雞養希望生蛋，結果幾天一隻雞?食，一年後富人去探望佢，佢依然故我仍然係窮人一名；窮人習慣今朝有酒今朝醉。原來富人年輕時亦冇錢，辛辛苦苦儲錢買隻牛，然後到處帶隻牛去食草渣奶賣，賺到錢便買羊生羊仔賣錢，然後開農場，最後變得富有。富人以為送隻牛畀親戚可令其發達，但唔明白窮親戚未養成儲蓄與投資習慣，每年送佢一隻牛亦無法脫貧。

　　十、上網。窮人上網搵娛樂，富人上網搵投資機會。結果窮人愈上網愈窮，富人愈上網愈富